澳門｜$138海鮮火鍋套餐性價比超高，點知遇上「曱甴空降危機」仲遭店員埋怨？｜暑假後悠閒行地堡街避開人潮探小巷｜發現隱世新加坡菜｜自費｜日常Vlog
加入我的youtube會員，每月只需10元，希望大家多多支持
會員連結 :
https://www.youtube.com/channel/UCafuH4hrGXUnHe9bfcJfehg/join
大家好！今日帶大家嚟到氹仔嘅地堡街。平時官也街大家去得多，今次我就專門捐窿捐罅，帶大家行下周圍嘅橫街小巷，睇下有咩特色小店同地道美食。
其實地堡街呢度真係超級多茶餐廳同食肆，過嚟搵食完全唔使愁，豐儉由人。如果大家喺「澳門銀河」嗰邊行過嚟，可以坐輕軌喺「排角站」落車，行過嚟好快好方便。而家喺氹仔搭輕軌真係好便利，基本上好多大景點同酒店都有站，想跨海過返澳門半島嘅話，亦可以坐到媽閣站。
穿過小巷行返出嚟，就係告利雅施利華街同巴沙總督街一帶，轉角就見到老字號「氹仔漁村」，好耐之前食過一次，印象中價錢就偏貴少少。再行前兩步就係「路氹歷史館」，大家有興趣可以入去參觀下歷史文物。再向前行，就見到「大利來記豬扒包」，之前介紹大三巴噴水池嗰陣，有觀眾留言話水準大不如前，不過口味呢樣嘢真係見仁見智，試過先知。
轉入買賣街，呢度藏住幾間好有情調嘅葡國菜餐廳，最驚喜係竟然畀我發現咗一間叫做「阿坤」嘅新加坡菜！望咗下佢哋個餐牌，賣相相當吸引，下次放假一定要嚟試試佢。行到嘉妹前地（北帝廟對開），呢度有間幾chill嘅酒吧，平時下晝五六點好多人坐喺度飲杯啤酒吹下水；斜對面就係出名嘅「新好利咖啡餅店」，我都幫襯過幾次，最推介過嚟食件燕窩撻、飲杯熱奶茶，真係幾正。
行返出地堡街主街，明顯感覺暑假過後遊客少咗一大截，行得特別舒服。呢度仲有間老字號「廣興隆蝦醬」，可惜今日下晝休息，無得入去睇下。
行到肚餓，就去到今日嘅午餐重頭戲——「水晶宮海鮮火鍋」！我喺澳覓買咗張 $138 嘅抵食套餐券，食物份量多到驚人，性價比真係高到裂開！但係食食下中途，竟然發生咗一件極度掃興嘅驚嚇事件：冷氣機頂突然跌咗隻「生勾勾嘅大曱甴」落我哋身邊，再彈落地下！講真，做飲食業有時遇到呢啲情況我都明白好難100%避免，我哋原本都無打算追究，點知店員嘅態度仲差過隻曱甴，竟然反過嚟埋怨我哋點解要出聲，仲話「我都無辦法㗎關我咩事」！成個態度真係令人不敢恭維，希望餐廳真係要好好正視衛生同服務問題！今日嘅地堡街小巷遊同真實探店就到呢度，我哋下條片再見！
如果鍾意呢類型澳門街坊美食探訪，記得Like同訂閱我哋，下次帶你食更多隱藏小店！
YouTube : 853lifemacau
facebook : 生活大小事853lifemacau
E-mail : 853lifemacau@gmail.com
🏠水晶宮海鮮火鍋
📍氹仔舊城區地堡街199-205號地舖
☎️ 28827208
#澳門 #澳門美食 #氹仔美食 #地堡街 #官也街 #澳門輕軌 #水晶宮海鮮火鍋 #澳門探店 #澳門平價美食 #澳門火鍋 #氹仔小巷 #路氹歷史館 #新好利咖啡餅店 #燕窩蛋撻 #大利來記豬扒包 #廣興隆蝦膏 #澳門旅遊 #澳門吃喝玩樂 #澳覓優惠 #突發事件 #食肆衛生 #澳門自由行 #澳門探店 #澳門打卡 #澳門生活 #澳覓優惠 #澳門自由行 #澳門必食 #澳門街頭美食 #澳門尋味
15 Comments
這間海灣餐廳好貴物麻麻地8月食過
現在整個氹仔D野都偏貴，吾抵🤪
現在澳門民生都無以前咁悠閒物價又比以前貴，吾知係咪我地年紀大覺得不復當年情😅
但都喜欢澳門既，出生地方
好喜欢你多介紹可以追憶舊情懷，人老念舊<😂
店員咁講簡直完全不能接受/應該即時打去衛生局！😤😤😤😡😡😡條片應該Cut咗佢間店/仲同佢吹？🤔🤔🤔
可能D店員一早知道,根本間鋪日日都有曱甴出現,所以覺得食客大驚小怪
OTT酒吧對面以前有間荒廢了的氹仔戲院，但片中看不到唔知係咪拆左。水晶宮是四太生意，以前出名貴冷氣凍，現在有無易手就不知了
為什麼不去珠海？
幾老實👍
我一年前幫襯過，好似$ 288(另外+ 10% )任食海鮮肥牛火鍋2小時（冇龍蝦，要食龍蝦要$338(半隻+火鍋任食)。香港千海仲抵食過佢，乾淨過佢，所以冇再幫襯佢。
very nice !!!
樓面要重新培訓、顧客同你講即係比機會你做好些、唔講或者無下次或投訢你、你揀邊樣！
黎餐幾抵食喎~仲要係遊客區~不過對應衛生態度就…..
哈哈香港老鼠BB大戰澳門天降曱甴😂😂😂