【富國島 EP.1】你必須知道的旅行貼士&攻略❗️南部 – 日落小鎮 太陽世界 🌅行程+景點+美食+住宿 | 富國島自由行Vlog Phu Quoc | LA FESTA
Hello 大家好 歡迎返到嚟飛喵 今集旅行Vlog 去到新興度假勝地 – 富國島 用去越南嘅價錢 得到猶如去咗歐洲嘅感覺 陽光海灘 固之然有 最重要係人煙稀少 唔使同人爭櫈仔 大型主題樂園 水上世界 門票超抵玩！ 地大人少 設施唔使點排隊 住豪華Resort酒店嘆世界 行出酒店露台就睇到煙花 食高級西餐又有 地道夜市亦有 資訊量大 分上下兩輯 同大家分享 你必須知道的富國島旅行貼士！ 由香港出發 直飛3個鐘左右就到富國島啦 今次都係坐廉航香港快運 冇買托運行李 (有連7KG手提行李) 票價大概港元HKD 1,000一位 (來回連稅） 富國島係越南唯一免簽證嘅地方 不過只適用於坐國際航班往返富國島 下午機出發 去到富國島大約係當地時間傍晚6點 (時差-1小時) 落機入境排隊條龍都幾長 如果想行fast track優先通道 要俾USD 15美金一位 多人一起(買優先通道)仲有得講價添 由於冇乜行程要趕 所以我哋直接排隊 大概等咗一個鐘左右成功過關 護照里面不用附上小費 海關檢查係正常嘅速度 機場好細嘅啫 過完關立即就會見到賣SIM卡嘅地方 5.5 USD 美金一張 我哋呢張(上網卡)係喺香港買定先 大概都係港元HKD 60五日 全程嘅信號都收得唔錯 上網都幾快 建議大家帶美金過嚟兌錢 匯率會比較好啲 不過有好多餐廳都接受信用卡俾錢 剩係夜市或者小檔攤先至要用現金 呢個詢問處都係冇人嘅 可以直接行出去搭車喇 富國島喺交通方面 最方便都係用手機程式GRAB叫車 操作簡單 價錢相宜 仲比較安全 喺機場外面有好多司機兜搭 自己GRAB叫嘅車 等咗一陣先有 而且唔可以喺機場出口上到車 司機會過嚟接你 行遠少少去到停車場嗰邊先上到 市內有巴士 不過就冇鐵路 嚟到已經係夜晚喇 所以我哋揀咗一間平平哋嘅Resort酒店 距離機場大概10分鐘車程 房價只要港元HKD 800 一晚 (露台雙人房) 喺機場附近都有好多住宿可供選擇 好多有名嘅酒店都喺附近 雖然只係港元HKD 800一晚 不過成個Resort都好大 房間亦都夠大 整潔乾凈 仲有露台添 但係夜晚就睇唔到風景啦宜家 Resort入面都有幾間餐廳 我哋就試咗佢哋其中一間西班牙菜 – OLA 入面嘅嘢食都幾抵食 而且都精緻好食 第二日嘅早上仲包埋自助早餐 thank you ～ 12點才退房 食完早餐仲可以喺入面(泳池)游下水 再行出去佢哋嘅私人沙灘度睇下 以呢個價錢 住到咁靚嘅Resort 都相當抵玩 值得推介呢間 退房之後 由中部落到去南部 我哋特別為今次嘅行程 整理咗景點 住宿 路線嘅地圖 啱用嘅話請截圖參考 搭GRAB落到去南部嘅日落小鎮 大概20-30分鐘車程 成個日落小鎮打造到成個歐洲咁樣 周圍都係打卡嘅地方 下午在小鎮里面遊歷一下 喺小鎮里面非常少人 行得好舒服 鐘意影相打卡嘅話 真係可以影足全日都得 不過喺好多歐式建築里面 都未有商店承租 係吉屋吉鋪嚟嘅 就好似佈景板咁俾人打卡 成個富國島周圍都有好多啲咁嘅情況 始終係一個較新嘅旅遊區 相信日後會有更加多嘅商店進場 而著名嘅景點接吻橋 下午都冇乜人 我哋就趁機入去睇下先 上橋係需要收費㗎 夜晚入住嘅酒店(LE FESTA)包咗一次入橋 用人面識別就可以入去喇 橋嘅最大特色係兩邊盡頭係唔相連嘅 想影相影到好似佢哋官方咁樣 唔係咁簡單 要兩個人各自行向一邊 再由第三個人喺下面影返上嚟先得 比較多人會喺日落時分上橋睇日落 由橋嗰邊望返過嚟 成個日落小鎮都真係打造得幾靚 可惜呢一日嘅天色比較陰暗 影出嚟嘅相 色彩就冇咁燦爛 午餐我哋試咗一間幾好食嘅西餐 餐廳一共有三層 景觀都唔錯 裝修亦都幾有風情味 食嘅嘢都幾靚又好食 注意喺富國島餐廳消費 係有消費稅同埋服務費嘅 一般會收取5%服務費 同埋8%嘅稅 係另外計嘅 所以餐牌嘅價格係不含稅嘅 埋單就會見到呢兩項費用 日落小鎮 基本上都可以用步行嘅方式遊歷 唔想行嘅話 (付費)搭呢啲車仔Buggy亦都得 但是區內比較缺少便利店同埋士多 一般餐廳食水要收費 而酒店房提供嘅通常都係玻璃樽 建議大家自備水樽裝水 或者見到士多就一次過買定幾支水 天氣都幾熱 記得注意補充水分 士多買水都可以刷卡 都幾方便 介紹下是晚在日落小鎮入住嘅 超靚打卡網紅酒店 ‘La Festa Phu Quoc Curio Collection by Hilton’ 我哋book嘅係海景露台房 特別嘅地方 就係可以喺酒店房間里面嘅露台 直接望到煙花 這是房間 露台可以直接出去 欸 鎖咗 超大露台！ 呢個露台海景房 房價港元HKD 1,700 左右一晚 酒店嘅裝修同埋景觀都超靚 晚上嘅煙花可以喺自己(房內)嘅露台睇到 唔使出街同人逼 相當期待 仲可以去到無邊際泳池度睇日落 我哋就係住這間房 大概去到傍晚時分 街上嘅人流就開始湧現喇 第一場嘅煙花 每日都有 7:45PM – 8:00PM期間 主力係綜合水上電單車嘅表演 煙花係比較細型一啲 而大概9點半嘅煙花 係屬於Kiss of the sea (海洋之吻)嘅表演環節 逢星期二暫停 比較大型 但只係有5分鐘嘅啫 正如頭先所講 我哋喺酒店房行出露台 就可以睇到煙花喇 如果book唔到海景露台房 亦都可以喺酒店泳池旁邊坐低睇 同樣都有絕佳嘅景觀 夜晚試咗小鎮里面其中一間越南菜 夜晚又有另一番風味 街上嘅遊客好多都係韓國人 所以餐牌有時都會見到韓文 喺度仲試咗個越式燒蠔添 係超級抵食㗎 雖然個蠔就細咗少少 不過味道都唔錯 至於越南粉 一律配上好多唔同種類嘅葉 整體嚟講嘢食都幾好食 呢頭餐廳嘅嘢食份量都好大 超大份的米紙蝦卷 大概只要港元HKD 40 夜晚多返好多人呀 小鎮里面仲有個細細嘅夜市 夜晚嘅氣氛都幾Chill 有好幾間酒吧 不過店里面都唔算好多人 夜市有唔同類型嘅生果 飲品 串燒等等 都幾熱鬧 夜晚都可以喺度放鬆下 第三日嘅早上 酒店亦有包咗豐盛嘅自助早餐 粵式西式中式韓式都有 相當高質 食飽飽之後退房 寄存行李喺酒店 就出發去到太陽世界SUN WORLD 去太陽世界需要搭跨海纜車 門票已經包埋來回纜車 由酒店步行前往羅馬鬥獸場風格嘅纜車站 只係需要幾分鐘 太陽世界主要係水上樂園 水上設施比較多 纜車站早上嘅人流都幾多 有電子門票 直接喺閘口俾職員掃一掃就得啦 我哋提前喺網上平台買咗景點套票 三個主題樂園 包括太陽世界 SUN WORLD 珍珠奇妙樂園 VINWONDERS 珍珠野生動物園 VIN PEARL SAFARI 票價總共約港元HKD 610 / 單人 (3個景點通票) 平均港元HKD 200左右就入到一個主題園 超級抵玩！ 呢架係全世界最長嘅跨海纜車 搭到入太陽世界全程大概20分鐘左右 架纜車都坐到好多人 中途落斜有少少搖 有少少離心力 由高處望落去嘅海岸超靚 仲有好多漁船 在這20分鐘嘅車程里面 可以好好欣賞下風景 園區內並冇提供紙質嘅地圖 建議用手機影低先 或者掃佢哋嘅QR CODE 攞咗電子地圖先 咁之後會方便啲睇 樂園里面係有儲物櫃嘅 可以入到去先至換玩水嘅衣著 隨身物品亦都可以放在儲物櫃 以小號儲物櫃為例 (租用)係VND 50,000越南盾一個 大概港元HKD 15左右 另加按金VND 50,000越南盾 到時還返手帶(鎖匙)就可以攞返按金 儲物櫃旁邊就係男女更衣室 仲有浴室同埋廁所 注意浴室係凍水嘅 而且有部分門鎖都係壞咗 比較殘舊 仲有少少臭味添 園內有超多水上設施 亦有幾個兒童專區 啱哂一家大細 大部分嘅設施基本上都唔使排隊 只要你敢玩就可以喇 超長嘅滑梯 相當刺激 仲有人造嘅滑浪 人造沙灘 漂流 各式各樣嘅設施任你玩 去水上世界 建議大家著潛水鞋去 (迪卡儂/淘寶好平) 玩嘅時候就唔使除鞋 著拖鞋或者涼鞋 玩特定嘅設施都要先除低 相對就冇咁方便 記得仲要帶埋手機嘅防水袋 仲有必需嘅防曬裝備 我哋大概玩咗兩個鐘左右 已經覺得好攰喇 園里面有小賣部 有小食飲品等等 都接受信用卡付款 我哋買嘅通票里面 冇包到園內餐廳飲食 我哋都係決定出返去日落小鎮先食 回程嘅時間提早少少 避開人流 隨時可以獨享整架纜車 睇風景就更加爽喇 大家要注意纜車嘅尾班車時間(17:00) 落咗纜車之後 有一間大型嘅紀念品店 充滿富國島特色嘅紀念品就喺度揾到啦 喺太陽世界出返嚟之後 喺纜車站附近 揾到一間Google幾高評價嘅海鮮餐廳 窗邊嘅座位好舒服 對住非常開揚嘅海景 啱啱就有啲海風 有啲陽光 好寫意 一盤海鮮拼盤 大約港元HKD 300 左右 每樣海鮮有三份 兩個人食都OK 店員會幫手剝埋蝦 剪開魷魚 唔使自己攪 味道相當唔錯 都值得一個好評 食完午餐之後 我哋就返酒店拎返行李 再搭GRAB 去到中部嘅住宿 PULLMAN BEACH RESORT 再住宿兩晚 繼續玩 順帶一提 我哋嘅現金 係喺日落小鎮嘅Good & Good 度唱嘅 比機場每100美金 唱多咗10萬越南盾 即係大概(每百美元)多港元HKD 30左右 大家可以參考一下 不過好多店鋪都收信用卡 其實唔使唱咁多現金 以免再兌換回來時蝕匯率 我哋全程只係唱咗100元美金 除咗夜市嘅小店 同埋俾貼士小費用現金 大部分消費都係刷卡 兩個人5日都未用哂唱咗嘅現金 好 下集繼續富國島北部嘅行程 同埋推介超正嘅Pullman Resort 去埋越南版迪士尼 VINWONDERS (珍珠奇妙樂園) VIN PEARL SAFARI 野生動物園餵長頸鹿 喺富國夜市試下地道嘢 行金剛超市買手信 密切留意下集內容 鐘意依類型影片嘅話 記得要俾個like同埋subscribe 我哋嘅 channel 好 咁我哋下條影片再見啦 bye bye
【富國島 EP.1】你必須知道的旅行貼士&攻略❗️南部 – 日落小鎮 太陽世界 🌅行程+景點+美食+住宿 | 富國島自由行Vlog Phu Quoc | LA FESTA | SOL BY MELIA |
#富國島 #富國島自由行 #富國島攻略 #PhuQuoc #lafesta #富國島Vlog
今集vlog去到新興度假勝地 – 富國島. 去越南嘅價錢，俾到你有去咗歐洲嘅感覺，陽光海灘故知然有，最重要係人煙稀少 唔洗同人爭橙仔！大型主題樂園、水上世界門票超抵玩，地大人少即排即玩設施唔使點排隊。住豪華Resort酒店嘆世界。行出酒店露台就睇到煙花，食高級西餐又有，地道夜市亦有。資訊量大，分上下兩輯同大家分享你必須知道富國島旅行貼士，行程景點美食住宿推介！
【富國島 EP.2】出發前必看的自由行攻略⚠️北部 – VIN WONDERS 珍珠樂園 VIN PEARL SAFARI 動物園 大世界 富國夜市 金剛超市 | 行程+景點+美食+住宿推介 Vlog
**本片內容與評論極為主觀，口味與喜好因人而異。
往下有更多內容資訊參考⇊
*煙花時間
19:45 – 20:00 (每晚) 水上電單車+小型煙花 (共15分鐘表演)
21:30 – 21:35 (週二除外) 海洋之吻閉幕煙花 ( 歷時5分鐘)
推薦露台看煙花酒店, 海景露台房型
La Festa Phu Quoc, Curio Collection by Hilton
地址: https://maps.app.goo.gl/zomjFgPrq6wm795N9
食肆-
RuNam Phú Quốc
地址: https://maps.app.goo.gl/fogudoRagNFNZmy76
營業時間: 07:00–21:45
Sorrento Restaurant & Bar
地址: https://maps.app.goo.gl/XVN8TNLPQCpPMcMv8
營業時間: 09:00–23:00
日落小鎮夜市 Sunset Town Night Market
地址: https://maps.app.goo.gl/fjX8ziRZL43Lh2Jn7
營業時間: 傍晚開始
景點-
太陽世界跨海纜車 Hon Thom Departure Terminal
地址: https://maps.app.goo.gl/ELS68jc81qHQQpBu6
開放時間: 09:00-11:30, 13:30-17:00
太陽世界 Sunworld Hon Thom Phu Quoc
地址: https://maps.app.goo.gl/JyZ89cugcHff7v5t6
開放時間: 09:00–17:00
接吻橋 Kiss Bridge
地址: https://maps.app.goo.gl/PEtzgrr4dncUyeiH9
開放時間: 07:00–23:00
海洋之吻表演 Kiss of the sea
地址:https://maps.app.goo.gl/hrPnLnXJ4ViHxBHm8
演出時間 : 21:00 （除週二）
其他-
日落小鎮兌錢 Good and Good An Thới
地址: https://maps.app.goo.gl/H8tSgyUvHt9wAE16A
營業時間: 07:00–22:30
中部高性價比住宿 (距機場10分鐘車程) –
Sol by Melia Phu Quoc
地址: https://maps.app.goo.gl/PD6bWZQ8HH4UzHv37
–
影片章節⇊
00:00 簡介
00:43 到達富國島
02:10 中部住宿+景點地圖
03:21日落小鎮
05:51 La Festa + 煙花
07:24 日落小鎮夜市
08:37 太陽世界
13:11 下集內容-北部
–
【歡迎訂閱我們的頻道】⬇️⬇️ 🧟♂️x🧟♀️x🐱x🐱
Femeow 飛喵：▸▸ https://www.youtube.com/@FEmeow_hk?sub_confirmation=1
合作邀請：▸▸ hellofemeow@gmail.com
–
【FEmeow IG】⬇️⬇️
預告片、精選片段、幕後花絮：▸▸ https://www.instagram.com/femeow_hk
【曬貓專用IG】⬇️⬇️
關注喵站長 阿緣與無求(End & MoMo)：▸▸ https://www.instagram.com/meow.end
💖領養代替購買
💖可以不愛但別傷害
–
謝謝觀看! Thanks for Watching!
記住要好好過生活。
27 Comments
想問富國島入境係咪唔使填簽證？香港護照直接俾個Passport過關就得？🙏🏾感謝
資料好有用，謝謝分享。請問知唔知景點同夜市有冇parking?一行8人有老有嫩諗住租車方便d.謝謝！
Good information and txs😊
睇咗咁多個YT介紹富國島，你呢個係最清晰👍🏻
之前好想去富國島，睇咗你提供詳盡和清晰嘅資料，我有信心喇，已經book咗機票和酒店，下星期就飛一轉啦😊
請問多唔好蚊呀？
資料好正 加油
👍🏻
介紹得好清楚！！😍好鬼吸引，又2打破若干憂慮。
如果在hk對换，會否抵過當地
唱100美金會唔會太多，2個人
請問有沒有日落小鎮 Good & Good 唱錢嘅地址？我喺Google Maps搵唔到🥲
Hi啤啤你好，想問跨海纜車網上購票你地是預早幾多購票？如果買即場票多唔多人排隊？
睇左好多富國島YouTube,依個最好最有用👍👍
謝謝分享❤見你地提及多用信用卡付款，用信用卡會比用美金兌越南盾抵嗎？thx
你好，請問陽東夜市Robinson peral 找換店，有港元兑換越南盾嗎?
好清楚，想去😊
你好呀！請問電話咭在香港那裏買？那個牌子？
非常精彩，請問纜車門票在哪裏訂購？謝謝。
想問下水上園, 比你帶防水袋玩, 定一個玩一個睇住野先?
想問crab call 車，綁信用咭是否要去到富國島先可以綁到咭，因為試過系香港綁吾到信用咭
請問在机場轉錢是否可用港幣？
你比所謂網红介紹得仲清楚詳細一定要比like👍
Very detailed information, thank you for sharing
請問你哋行程幾多日
簡而精，全無廢話，用心制作，多謝攻略。
妳是否做過香港某電台綜合節目？❤
睇左幾條片 不得不讚你嘅資訊好實用
其他人係拍佢去果個景點既心情
睇完好似冇睇到野一樣
終於有一條片幫到我整理資料👍🏻