[PT自費食評] 灣仔隱世餐廳：非一般星馬菜 JOM 🍽️ 必食辣椒蟹饅頭！聖誕限定龍躉煲！特色咖啡骨！

[PT自費食評] 灣仔隱世餐廳：非一般星馬菜 JOM 🍽️ 必食辣椒蟹饅頭！聖誕限定龍躉煲！特色咖啡骨！

今次同大家食一間相對精緻嘅星馬菜餐廳星馬菜係咪即係辣死你媽、海南雞飯、定係喇沙？海南雞飯同喇沙，而家香港周街都係啦我哋要試啲更特別嘅菜式同埋天氣咁凍，仲叫咗個龍躉湯添呀想知餐廳食唔食得過就快啲訂閱，跟我哋一齊搵食大家好，我係阿Pui，我係泰利今日嚟到灣仔灣仔係上班族嘅地頭可能周末晚上比較少人流所以誤打誤撞見到Bakehouse竟然唔使排隊近年香港好興Sourdough 麵包佢用Sourdough嚟整葡撻其實我唔係好食得出個分別另外叫咗牛肉仁當批 Beef Rendang Pie 印尼起源嘅菜式，一個好杰身加咗椰絲嘅辣醬喺馬來西亞、新加坡都好受歡迎好切合主題，因為一陣食嘅餐廳都有牛肉仁當就係Bakehouse嘅同一條街，見到呢間JOM 裝修幾光鮮，同埋有吉枱，就入咗去 Menu係中英對照，不過客人都係本地人居多因為太多嘢揀，我哋選擇困難症要個二人套餐，其實都要揀不過係5揀3，4揀1，快啲決定到吖嘛個餐係$538蚊，再加一薏米水同埋拉茶就係包埋嘅如果想飲椰青、桔子水啤酒就要另加23至35蚊首先嚟咗一碟前菜拼盤，5揀3 蝦醬炸雞翼個外皮有啲似KFC嗰隻巴辣香雞翼呢個係辣蟹炸饅頭但我哋對於蟹嘅抗拒力係零所以加$20都在所不惜先試蝦棗，用腐皮包住入面主要係免治肉，有啲芋頭、蝦肉香草應該係九層塔全部都剁到好細但唔好期望有好多蝦餐廳其實有辣椒炒蟹但係兩個人食咗就唔使叫其他餸佢將辣椒蟹變咗一個類似醬汁嘅物體可以滿足到我哋食蟹嘅慾望蟹係甜甜辣辣，非常惹味饅頭炸嘅程度剛剛好唔會炸到太燶或者個外皮太厚食落又薄又脆雞翼放近鼻邊，聞到蝦醬味但係食落唔覺得個蝦醬味好突出係香氣多於味道，似一道普通炸雞翼跟住嚟咗3碟小菜呢個價位，其實我Expect係逐道菜上枱尤其我叫Set Menu，分晒類應該有次序我哋食唔切，有啲食物會攤凍咗首先食辣椒大虎蝦蝦係連埋蝦頭，唔係蝦仁已經剝咗殼，再沾炸漿去炸同辣椒蟹饅頭個醬係一樣味我哋冇考慮到呢個問題而家有少少重覆，冇咗個新鮮感大家嚟就最好二揀一跟住呢一碟排骨，黑抆抆，莫非係可樂排骨？香港家常名菜係可樂雞翼佢用咖啡去整排骨可樂其實只係取其甜味佢用咖啡個香味就有層次好多佢都一樣有甜味，外層都係焦糖化咗但嗒落會回甘排骨有預先走油，香口嘅啲肉唔會太化太柴呢個唔錯，推薦大家試下同埋要提提，呢碟有4件排骨係二人餐嘅份量，散嗌應該會大碟啲食食下，再上埋主菜滑蛋河河粉本身有烘過，燶燶哋有香味之後先落汁去炒，類似菜遠牛河嘅味道有蝦有肉有菜，仲有魷魚我鍾意佢落咗蛋去炒比菜遠牛河再加一層香味最後食埋參巴炒通菜平時泰菜餐廳食馬拉盞通菜就主要辣味，鹹香味參巴醬就有甜味嘅仲見到蝦米仔添炒得都唔錯，通菜冇變黑、依然爽脆因為有兩道菜都要額外加錢所以最後埋單貴少少，係$647 片頭明明有龍躉煲，埋咗單都未見嘅因為我哋食咗2次呀見到啲掛飾都知，今次12月去食一於試下佢嘅聖誕Menu 其實菜式差唔多，又係拼盤打頭陣不過今次固定咗3款好食嘅嘢唔怕重覆嘅炸饅頭當然要再食啦今次試咗個新嘢，就係雞肉沙嗲串細細串，本身已經鋪咗好多香茅碎去醃雞而個沙嗲汁明顯係比一般嘅鋪頭足料上次嗰個2人餐，如果唔食炒通菜加$38就可以食到呢一碟鹹蛋黃炒蓮藕片，今次就唔使加錢喎除咗蟹，我哋對鹹蛋黃又係抗拒唔到蓮藕片炸咗，脆到好似一塊厚身薯片咁仲有啲辣椒碎，去增加刺激感，冇咁滯呢一道菜非常推薦今次臨近聖誕去食，客人比較多所以有個好處，就係佢唔會一次過煮晒一枱每枱逐碟菜咁上終於都等到魚煲啦冬天就係要飲熱湯先有feel 龍躉數量都唔少當中仲有啲滑劣劣嘅魚雲有娃娃菜、紅蘿蔔，幾甜個湯係奶白色，魚味濃郁浮面見到薑片，唔使怕魚湯會腥雖然要加$100 但今日太凍，完全冇猶疑食完之後，就唔止冇猶疑，直頭係冇後悔無端端影隻吉碟做乜？頭先食魚，成碟放晒骨餐廳有主動幫我哋換碟咁就可以盡情去食雞馬來烤雞，應該係半邊份量 Menu寫明係醃咗24小時可能因為咁，就算係雞胸都唔會太鞋當然最好就食雞髀啦（廢話）同埋啲醃料有搽埋入邊，件件都入味香茅味好突出連埋一兜參巴醬，都幾辣幾醒胃未去到標眼水但加少少桔仔汁會好啲酸酸辣辣，味道更加豐富添主食叫咗炒貴刁估唔到首先飄入鼻腔係臘腸味明明得幾片臘腸，個味都咁明顯令到河粉帶少少甜味佢仲落咗菜脯去炒味道同香港人食開嘅炒河都幾唔同但係河粉比較碎，難夾起今次有甜品，係九層糕平時最怕就係大菜糕嗰種爽嘅質感一咬就斷開，好奇怪呢一款食落比較煙靭，又唔會黐牙班蘭味加椰汁味相間，幾好食呢個聖誕餐唔包飲品我覺得冇乜所謂因為上次啲飲品冇留低深刻印象你見我哋冇乜提過啲飲品然後蓮藕片、牛尾仁當、辣椒蟹饅頭仲有鹹蛋軟殼蟹都唔需要額外加錢人哋整聖誕Menu，通常係掠水價但呢個Menu其實係抵食咗同埋感覺會好啲點菜嘅時候唔使再考慮價錢你接受到$568呢個總價就可以去馬如果上去Openrice預先訂位仲可以有9折優惠去到12月31號，真係想食就記得訂位先我覺得係幾好食，有幾道菜特別令人回味都係嗰句：唔好食，都唔會食2次啦如果每次都可以做到逐道菜上枱就更好始終張餐枱又唔係特別大如果大家都鍾意我哋嘅分享記得訂閱、留言、讚好我哋下條片再見

我哋係PT食為先，每星期為大家介紹香港美食！鍾意呢段片嘅朋友，記得留言讚好，同埋訂閱我哋Channel，撳埋鐘仔，一有新片就通知你！