【首爾美食】醬油蟹大比併 | 米芝蓮店 VS 樸素老店 | 價格竟差40%?! | 首爾快閃暴食旅行VLOG EP1

【首爾美食】醬油蟹大比併 | 米芝蓮店 VS 樸素老店 | 價格竟差40%?! | 首爾快閃暴食旅行VLOG EP1

Hello 大家好 歡迎返到嚟飛喵 FEmeow 喺最近快閃首爾嘅四日三夜 暴食行程裏面 我哋試咗兩間醬油蟹 今集同大家先比拼下馳名嘅大瓦房 同埋新沙洞 廿四小時營業嘅元祖馬山小鬍子醬蟹 睇下邊間好食啲 邊間抵食啲 醬油蟹係韓國非常著名嘅代表美食之一 做法係將生嘅螃蟹放喺醬油裏面腌製 每一間鋪頭都有自己秘製嘅醬油 所以味道都會有所不同 繼續去片 鐘意依類型影片嘅話 記得要Subscribe我哋嘅Channel 首先去到曾獲米芝蓮一星 馳名嘅大瓦房 搭到去安國站2號出口直行5分鐘就到 係喺一間小韓屋入面 網上見到人哋話要排兩個鐘隊 所以我哋都特登早啲去 官方係11點半先開門 我哋大概11:10就去到 可以直接入去唔使排隊 早到咗可以入去坐低 先點餐 但係就11點半先統一出餐 一人份量嘅醬油蟹價值59,000KRW 我哋點咗兩份 菜單有中文 英文 日文 點餐方便 價格係比較偏高少少 除咗醬油蟹之外 都有其他熟食 照顧埋唔食生嘢嘅朋友 台上面直接有一壺熱茶 俾客人自己裝 醬油蟹餐裏面配搭咗11種小菜 店員會將小菜圍圈圈咁擺 主菜就會放喺中間 咁多款小菜樣樣都好食 一啲都唔馬虎 另外會有兩碗白飯同埋一鍋大醬湯 仲有用嚟包飯嘅紫菜 隻蟹超級大隻 一份醬油蟹只有一隻 呢一度係兩份嘅份量 有勁多金黃色嘅蟹膏 加埋用藥材釀製嘅醬油

聞落都幾香 參考咗網上食醬油蟹嘅四個方法 首先用蟹蓋撈飯 將蟹蓋裏面嘅膏刮出嚟 然後加一啖飯落去將佢撈勻 就變成蟹膏撈飯 蟹蓋裏面超多膏 勁好食 第二種就係紫菜包飯 蟹身一擠 所有蟹肉都會擠哂落個飯度 可以將蟹膏蟹肉撈飯 如果覺得唔夠味嘅話 仲可以將醬油撈埋一齊 味道就會更加豐富 再用紫菜包飯 呢個簡直係完美嘅配搭 亦都係我最鐘意嘅食法 味道真係驚為天人啊！ 第三種食法就係成嚿擺落口 一咬啲蟹肉就會擠哂出嚟 超級滿足啊！ 不過都要小心注意 唔好整親條利 最後就係將蟹膏蟹肉就咁撈飯食 蟹肉非常飽滿 食落好似啫喱咁 而且非常鮮甜 唔會腌到好鹹亦都冇腥味 可以食到蟹肉同埋蟹膏本身嘅鮮甜味 完全唔腥 喺韓國醬油蟹又被稱為白飯小偷 食過就明白點解喇 醬油蟹撈飯真係一流啊！ 食嘅途中已經有人開始等緊位 排頭幾位嘅朋友 就可以喺室內坐下等候 其他人就要喺門外邊排隊 大瓦房嘅坐位唔係好多 每次大概只係可以容納10組客人 想食嘅話又唔想排隊就要早啲嚟啦 我哋食完大概12點半 排隊嘅情況大概就係咁樣 都唔算太誇張 跟住就講下 喺江南區新沙洞嘅另一間醬油蟹 新沙洞元祖馬山小鬍子醬蟹 又稱馬山鼻毛家 呢間都有唔少韓國出名嘅飲食節目推介過 味道有一定嘅保證 重點係佢係廿四小時營業嘅 想幾時食都得 營業時間長 所以都唔使排隊 搭到去新沙站

喺4號出口 大概行2至3分鐘就到喇 餐牌同樣都有英文 中文 日文 閱讀理解冇難度 呢間嘅醬油蟹 一人份量隻係需要35,000KRW 比起大瓦房嘅一人份 足足平咗24,000KRW 都有成40%咁多 亦都有其他熟食鍋物等等 仲有生嘅八爪魚（活章魚） 我哋都叫咗一碟生八爪魚（活章魚） 價值都要35,000KRW 相等於一人份嘅醬油蟹喇 醬油蟹嘅套餐包咗5款小菜 排場當然就冇大瓦房咁勁咁華麗 用嘅都係普通碗碟 唔似大瓦房嗰種傳統嘅韓國銅器餐具 另外仲有一個海帶湯 而大瓦房配嘅就係一鍋大醬湯 同樣都有包飯紫菜 不過白飯就要另加 1,000KRW一個 先上咗個活章魚 都係韓國名物 不過真係有啲貴 (35,000KRW) 食落有咬口 係配麻油加鹽食嘅 呢樣唔係特別出色 可以唔使試 呢度係二人份量嘅醬油蟹 有兩隻 都係爆哂膏 相對大瓦房 呢一隻就冇咁大 冇咁好肉地 佢嘅醬油同大瓦房有啲分別 佢有比較重嘅芝麻香 仲有少少辣添 喺醬油方面 就個人口味而言 我會比較鐘意呢一間嘅口味 蟹蓋都有好多膏 相對大瓦房 呢一隻因為比較細 所以膏會比較少一點 但係由於我比較鐘意呢一度嘅醬油 所以我加多咗醬汁落去 蟹蓋撈飯就更加正！ 呢度就唔用快播喇 等大家一齊感受下

呢一份幸福又值得回味嘅味道 蟹身同樣都係一擠就落哂去個碗度 所以食醬油蟹其實唔係想像中咁難 比起平時食蟹方便好多 因為蟹殼喺腌過之後已經變軟 相對地會好咬好多 同埋容易處理 為咗品嘗呢個味道 你絕對會願意整污糟隻手 當然餐廳亦都有洗手嘅地方 又有濕紙巾提供 亦都可以問佢拎手套 包紫菜又好食 不過紫菜嘅份量如果俾多兩片就好喇 就咁食蟹肉蟹膏撈飯都好正啊 個醬油真係好出色 馬上嚟一個比拼總結 價錢方面 元祖馬山小鬍子會比較便宜 但係蟹就比較細隻 蟹膏亦都唔夠大瓦房多 醬油方面 大瓦房會比較濃味少少 元祖馬山小鬍子就比較多層次 會有芝麻香同埋少少辣 配嘅小菜方面 大瓦房會比較多啲 都好味啲 環境方面 大瓦房會比較新凈 用嘅餐具會比較有排場 營業時間 大瓦房喺午餐同晚餐之間會休息 星期一唔開 元祖馬山小鬍子就開廿四小時七天 唔使排隊 幾時食都得 位置方面 兩間鋪頭都係喺地鐵站 行幾分鐘就到喇 總括嚟講 就係各有特色 雖然大瓦房比較貴 但係佢配套嘅嘢的確係多啲 隻蟹會大隻啲 小菜多啲 但係元祖馬山小鬍子嘅醬油相當出色 而且價錢都算抵 想平平哋試下食醬油蟹 都絕對推介 我哋下期影片 會繼續同大家分享更多首爾嘅暴食攻略 同埋行程 有咩中伏有咩推介一次過話你知 唔想錯過嘅話

記得要subscribe我哋嘅channel 咁我哋今次嘅分享就暫時到呢度喇 我哋下條影片再見啦 拜拜

【首爾美食】醬油蟹大比併 | 米芝蓮大瓦房 VS 新沙洞元祖馬山小鬍子(馬山鼻毛家) | 首爾旅行VLOG
#首爾自由行 #首爾美食 #首爾旅行

一趟旅程試兩家醬油蟹! 🦀
馬上比拼米芝蓮大瓦房 VS 新沙洞元祖馬山小鬍子, 到底哪家好吃?
價格竟有相差40% !??!?

往下有更多內容資訊參考⇊
–
影片章節⇊
00:00 影片簡介
00:37 大瓦房
03:48 新沙洞元祖馬山小鬍子
07:31 醬油蟹大比拼
08:48 下集首爾VLOG預告

影片提及商店：

大瓦房（큰기와집）
地址：20-7 Bukchon-ro, Jongno-gu, Seoul
地圖：https://maps.app.goo.gl/9YcSzxm6hiTm8qbo6?g_st=ic
營業：午餐 11:30 ~ 15:00 / 晚餐 17:30 ~ 21:00 週一休
路線：地鐵3號線安國站2號出口直走約3分鐘

新沙洞元祖馬山小鬍子 (마산콧털네)
地址：20-1 Jamwon-dong, Seocho-gu, Seoul, South Korea
地圖：https://maps.app.goo.gl/xV7G2yT8Tb7mF2Zq8?g_st=ic
營業：24小時 無休
路線：地鐵3號線新沙站4號出口直走右轉約走3分鐘

–
【歡迎訂閱我們的頻道】⬇️⬇️
Femeow 飛喵：▸▸ https://www.youtube.com/@FEmeow_hk
🧟‍♂️x🧟‍♀️x🐱x🐱
–
【FEmeow IG】⬇️⬇️
預告片、精選片段、幕後花絮：▸▸ https://www.instagram.com/femeow_hk

【曬貓專用IG】⬇️⬇️
關注喵站長 阿緣與無求(End & MoMo)：▸▸ https://www.instagram.com/meow.end

💖領養代替購買
💖可以不愛但別傷害
–
謝謝觀看! Thanks for Watching!
記住要好好過生活。