Ciao Nihon
新潟県

福布斯 預告 香港大蕭條 ？人踩人投降式大跌 萬億救市最後防線



福布斯 預告 香港大蕭條 ？人踩人投降式大跌 萬億救市最後防線

香港經濟好唔掂大家都知 樓市好唔掂大家都知 再講都嘥氣 但係唔係喎 尋日阿爺出手救市 都唔好叫阿爺 佢係北方人嗰啲阿爺 都唔係我哋阿爺 但係福布斯阿爺救市 福布斯尋日刊登咗個美國經濟學家 Milton Ezrarti嘅文章 就話中國經濟令人聯想到美國 1930年代大蕭條 香港會大蕭條 係唔係咁大鑊先？ 我哋睇下阿爺救市救成點先 中國中央下調存 款準備金率0.5% 為市場提供咗一萬億人民幣嘅長期流動性 即係乜嘢呀 完全聽唔明 可唔可以講人話呀 咁我哋一陣再講 但係大家呢 我哋講下我哋聽得明嘅嘢先 咁呢大家都認為今次係最後一次搶救 好似Milton Ezrarti咁講 而家係進入大蕭條 今次我哋香港嘅正常人都諗到 呢次不成功變成仁 而家中港股市同埋中港經濟 都好似一個瞓咗喺急症室嘅病人一樣 個醫生拎住兩嚿嘢 準備嚟急救 如果冇反應就真係certify 搞唔掂㗎大佬 咁我哋睇下恒生指數個圖先 咁大家睇下恒生指數個圖呢 你會發現呢佢過咗跌穿咗16000點之後呢 係越跌越急嘅 之前 都係慢慢跌有啲朗下朗下 過咗16000點就三條大陰燭 三日大跌 係三日 就跌咗1200點 跌到落14800點 咁但係呢上個星期中國政府呢都仲係瞓緊覺 係完全係零forecast 完全感覺唔到有咩問題 睇唔到前面嘅懸崖嚟 繼續踩行油全力衝落去

你睇返 其實個市 一月十四號之前 喺16000點嗰度朗咗好耐 等咗好耐 中國政府救市喇喎 你係咪救呀 救啦救我哋啦等緊你呀咁樣 咁呢樣嘢呢就唔係我講 係一個爆咗倉嘅新加坡基金經理 蔡順福佢講嘅 咁我哋一陣再介紹下乜水啦 佢話呢中國人民銀行 1月15號 宣佈維持貸款基準利率不變 即係唔減息 令到押注減息嘅投資者呢感到好失望 習近平 1月16號 講話 就同股票投資者暗示或者明示 佢嘅重點唔係金融市場 佢嘅重點係中國國家安全 大家都知啦係咪 所以個市 由16號開始急跌 由16200點跌到14800點 五日入面 有三支大陰燭 跌咗8% 係大家 都係投降式跌市 蔡順福都話 我真係不能理解中國政策制定者嘅不一致性 即係 佢一時咁 就一時咁 係呢個新加坡基金佬講 中國嘅政策制定者係唔一致 佢唔遏止通縮 搞到個市場喪失信心同埋長期熊市 所以 佢1月18號 就斬曬所有倉 引刀成一快 投降止蝕 輸咗18% 咁呢個蔡順福係乜水嚟嘅呢 原來係新加坡嘅基金 叫做亞洲創世紀基金嘅老細 咁佢做咗40年 咁終於今次呢就反艇啦

一次過輸曬 佢話呢佢已經到達咗失去作為交易員信心嘅階段 等唔到個反彈 完全對自己失去信心 覺得呢幾十年嚟嘅經驗都係廢嘅 咁所以 萬六點樓下嗰啲 就係呢啲投降式爆倉 投降式跌市 就係個個 輪住爆倉 雪崩式下跌 即係點呀 即係有一個爆 跟住就推到好似雪崩咁 一個推一個一個推一個 就明明 踏一踏隻腳 就成個山啲雪都冧曬落嚟 就係連鎖效應 一個冧 跟住呢你爆倉 咁你再掟貨又掟冧個市 跟住下一個呢 又因為個市跌咗又要再爆 爆完佢又再掟貨 咁你就一個一個一個連環 唔係MIRROR嗰個連環咩事件 係連環爆倉事件 係全部人一齊輪住爆 因為政府冇出嚟頂住 政府就話 習近平就話 我重點唔係金融市場 咁冇人頂住 咁咪一路大家一路雪崩 大家鬥快走人 上個禮拜呢我冇講到 就係個韓國嘅ELS 即係韓國嘅老人呢就買啲結構產品 咁又爆倉 跟住就到呢個新加坡嘅經理爆倉 跟住仲有啲雪球嘅散戶 咩叫雪球呢 就唔係雪崩 係大陸呢有啲雪球嘅產品 就係你啲錢 碌入去 咁越碌越大 雪球咁樣越碌越大 咁聽聞話個女明星相傳輸咗幾千萬 上咗微博個熱搜榜嘅頭位 咁就係所以過咗萬六點樓下

就係好多呢 止蝕位 爆倉位 一到就 大家鬥快爆鬥快斬 掟曬啲貨出街 就係冧得咁快 你用電話撳都撳唔切 因為人地一早set好哂啲盤 不過咁樣 用電話去開股票app開銀行app 就有好多密碼 咁會唔會畀人偷咗個密碼呢 就係所有外國基金經理投資者 係完全唔夠膽 踏足呢個香港嘅股票市場 大陸嘅股票市場 所有香港大陸所有 最好都係生人勿近 點解 因為蔡順福呢講畀我哋聽 佢話我之前嘅經驗已經唔再有效 相反嗰啲經驗對我有害 點解呢 因為習近平自己親自部署 親自指揮 我上集講過啦 自己搞金融 但佢唔係搞開嗰啲人嚟 即係我唔會話佢唔識 我唔知佢識唔識 但佢唔係搞開嗰啲 如果大家都係行家嘅話呢 大家都搞開嘅話呢 其實你諗到我諗到你諗到我諗咩㗎嘛 大家互相都知道大家諗緊咩嘅 咁大家就知道咩時候應該要出手 大家有默契嘅 但係而家嚟咗一個 佢係亂出牌㗎喎 亂咁show hand 亂咁all in 㗎喎 你唔知佢幾時出乜嘢嘅 咁所以你咪輸畀佢囉 咁而家問題呢就係所有外國投資者 唔知你中國咩葫蘆買咩藥 我都唔夠膽走埋嚟玩呀咁樣 譬如頭先講咗啦 習大大呢16號就親自指揮親自部署 講明話唔會著重啲金融市場 15號呢就唔減息唔救市呀嘛係咪 咁呢就好似我呢啲老散咁樣啦

我哋今次決定要長渣㗎啦呢隻股票 老虎蟹都唔放嘅 咁但係呢跌咗20% 30%之後就會 嘩死啦跌咗咁多點算呀輸曬啲老婆本喎 不如打上tvb問下大師點算先 我而家跌咗30%呀究竟放定係唔放呀 但係你原本諗住長渣㗎喎 點解跌咗30%你又諗住放呢咁樣 習大大就係咁樣啦16號講明我唔會救 咁但係返office坐低睇下個電話 嘩個市又跌嘩個芇又跌今日又跌 點搞呀 個心一急起上嚟 就打電話出去 肩膀有花嗰啲全部同我入曬嚟 咁成班人呢習大大要救市 點救呀我都唔知喎 成班人 就即刻做 職場卸膊操 職場卸膊操係點樣做？ 佢哋就同習大大講 我都係照你意思去做 我都係照你意思去做 我都係照你意思去做 我都係照你意思去做 跟住習大大又話搞乜就搞乜啦咁樣 咁習大大心諗你班死仔咁點搞 求其整啲嘢啦 求其整一兩招先啦 咁我就可以同啲人民講喇喎 習大大就同啲人民 : 講呢單嘢唔係我跟開 呢單嘢唔係我跟開 呢單嘢唔係我跟開嘅 我不嬲都係做緊其他嘢金融唔係我搞開嘅 如果都真係救唔到嘅時候 我哋又會見到習大大開始練習第二招 就係邊一招呢 今次我真係愛無能助 今次我真係愛無能助 今次我真係愛無能助 但係我睇呢個職場卸膊操 原來佢哋仲有一招最後絕招 真係搞唔掂喇 會點樣講呢 就會講: 你諗下你識唔識我呢份工 你諗下你識唔識我呢份工 你諗下你識唔識我呢份工 不過呢句係邊個同邊個講呢 我就真係唔知喇

呢個應該係 吳廣德 同埋 吳好緹 嗰啲朋友嚟嘅 咁而家呢其實呢 我而家拍片呢就出咗一招 真係出咗嘅一招 就係減存款準備金率 存款準備金率0.5% 佢預期之後嗰兩個禮拜會再出其他招 咁但係會出咩招呢 唔話畀你知 其實係未諗到 降存款準備金率呢一招 可以話係完全冇新意 亦都可以話某程度上係hea 做 點解呢咁樣 降存款準備金 即係咩可唔可以人話講一次 即係喺銀行呢就收咗你人民嘅存款 收咗100蚊啦 銀行會借返啲錢出街㗎嘛 咁又唔係借曬100蚊出街㗎喎 咁而家呢佢就留返7.5就唔借嘅 即係收100蚊返嚟 有92.5就借咗出街啦 有7.5就留返銀行入面嘅 咁而家可以借多5毫子出街啦 咁所以佢就可以等於借多1萬億嘅人民幣出街啦 咁但係點解銀行借錢出街 個股市又要升呢 點解係等於救咗市呢 嘩真係諗唔明 諗唔通喎我哋正常人 點解呀咁樣 係咪 咁你話放水 啲水係邊度出嚟先得㗎係咪先 會唔會係遠水不能夠近火 係喇冇錯喇呢個就係喇 其實最主要呢係冇人想借錢喎 因為我哋頭先咪提過福布斯講呢個 Milton Ezrarti 嘅文章嘅 佢哋話 中國有美國1930年代大蕭條嘅特徵 佢話第一個最重要嘅特徵呢就係銀行貸款下降 人民銀行喺過去一年 降低咗利率向市場同金融機構提供流動性 即係借錢畀你哋班友啦

將廣義貨幣供應增加9.7% 即係印錢即係印銀紙 唔好講得咁複雜 但係數據顯示 對上12個月中國人對銀行信貸需求 比再上一年下降16% 佢嘅解釋呢就係話個人同埋企業都睇唔到 賺到錢獲利嘅前景 所以 我借啲錢返嚟都做唔到生意啦 不如唔好借 不如收縮 借啲錢返嚟做乜嘢呢又要俾息 借完返嚟都唔知做乜 中國人同中國企業呢已經失去咗一切將會改善嘅感覺 咁如果消費者同埋企業對未來缺乏信心呢 刺激政策將會迅速失效喎 冇錯啦 咁呢個降存款準備金率呢就係個刺激嘅政策啦 咁呢啲刺激政策呢其實係冇乜效嘅 同食粒止痛藥係冇分別嘅 一陣就會失效㗎啦 經濟短暫改善之後 會重新陷入緩慢增長或者下跌 無論中央銀行提供幾多流動性 企業同埋消費者 都因為冇信心 就唔會借錢返嚟去擴大 生意或者借錢返嚟洗嘅 會勒緊褲頭 咁呢個 就叫流動性陷阱啦 呢啲term一講就好勁啦 講完都唔知講乜嘅 所以呢個市係只會反彈一陣嘅啫 呢個唔係我講㗎係經濟學家講㗎 最大結構性問題就係 中國入面嘅人同埋企業呢係唔會再借錢 另一個問題就係外資呢就拎走曬啲錢唔玩啦 佢哋都唔係拎走曬啦可能係輸鬼曬啦 咁對上嗰幾十年嘅投資都要拎走喎 咁大個窿點填呢一萬億就填到啦咩 BlackRock大家都識啦係咪 係全世界其中一間規模最大嘅資產管理公司 咁佢哋2018年呢用12億買咗呢個上海 新興中央商務區北岸長峰嘅兩棟辦公室大樓 咁而家呢12億嘅七折跌三成放出嚟賣畀人呀 唔係升完高位跌三成係佢買入價跌三成都要走人 都要掹錢走即係執返七成都算執新彩呀快啲攞返啦咁樣 但係而家都未有人買嘅 佢放就係七折最尾成交可能得五折六折都照殺㗎啦 咁我上一集咪講過習大大咁樣玩係會嚇走曬啲外國人嘅係咪 咁而家就呢個經濟學家Milton Ezrati同埋呢個Blackrock真係掹錢走 同埋呢個新加坡基金經理有40年基金管理經驗㗎喇

佢而家講咩呀佢而家我理解唔到中國政策制定者嘅不一致性 令到市場喪失信心長期熊 市 我哋呢啲基金經理40年嘅經驗都已經冇效啦 所以都唔識玩啦 咁呢啲大鱷都唔同你玩啦 咁中國啲散戶又同唔同你玩呢 佢哋一次一次咁畀人割韭菜 咁我哋頭先提過咩叫雪球呀係咪 雪球爆倉咩事呀咁樣 咁原來1月19號SCMP南華早報呢就出咗篇文 就係講 有一個2000億人民幣賣畀散戶大陸散戶嘅結構產品 大陸人幫佢改咗個名叫雪球啦啲名唔係好重要 咁佢哋話越滾越大啦咁樣 其實呢佢哋係玩緊呢個sell期權賣出期權證同銀行對賭嘅行為 即係我賣個期權出街賣畀人 咁如果唔跌穿放低100蚊到期嘅時候呢冇跌穿個價呢我就收10蚊期權金 如果跌穿呢就全部輸曬 咁呢單嘢南華早報講完之後呢就傳呢個大陸有個女星叫江疏影我唔識佢 咁去咗呢個申萬宏源 我都唔知咩嚟嘅 就係其中一個呢啲賣基金嗰啲資產公司啦 話呢佢個雪球爆咗就跌咗幾千萬喎咁原來呢係假嘅 咁但係其實都真係好多人爆咗嘅 咁佢哋呢就好多個唔同散戶做咗好多唔同倉價位嘅倉喺唔同位置 咁只要個市一路跌落嚟呢佢哋一路爆呢就一爆完呢銀行就要平倉曬所有嘢㗎啦嘛 咁又會增加咗個市場嘅沽壓嘅 咁個市越跌越急越急越快越跌越勁就咁解啦 因為越跌得多呢就越多人爆倉越多人爆倉呢就越多人掟貨出街 咁越多人掟貨出街呢個市就越跌得越快 個市跌得越快呢就越多人爆喇喎 補倉都補唔切咁就全部都爆曬 就好似碌雪球咁啦講得冇錯啦個雪球呢就滾滾滾落山咁樣呢就越碌越大個啦 連埋嗰啲中間嗰啲人呢都全部碌埋上個雪球上面 咁呢度呢就二千億淨係呢啲散戶參與嘅雪球都二千億 咁所以你又攞一萬億出嚟救市真係救得邊個呢呀 呢貨幣政策呢就好似粒止痛藥咁樣嘅啫 你係冇改變到宏觀經濟嘅問題啦冇改變到政治走向嘅問題啦 咁呀簡單啲嚟講工廠搬走 外資撤走 咁你一時打呢個一時打嗰個啦係咪 咁啲人做唔到生意啦生意人躺平啦啲年青人又躺平啦 咁呢啲問題呢係唔會因為你話減存款準備金率就會改變到㗎嘛係咪 其實係冇郁過㗎嘛啲嘢 咁呀經濟學家呢佢就系統性啲嘅 佢綜合咗習近平施政嘅四個錯誤 呢個係佢講嘅唔係我講嘅ok 第一 喺19至20年期間停止咗對地產商嘅長期支持 令到中國經濟呢個重要嘅領域崩潰 對全部中國嘅家庭財富產生咗毀滅性嘅影響 即係好似香港咁樣如果你有層樓供滿咗咁就好安樂啦 層樓跌咗其實你冇跌咗錢㗎但你都唔想再洗錢啦

第二 就係而家發生緊嘅經濟困境作出冷淡嘅回應 假裝事態同現實相反 令到問題金融系統中蔓延 即係呢就冚住塊面當睇唔到呢個鑊就越爆越大啦 等佢爆到上枱面嗰陣就已經冇得救啦 第三就係清零政策 中國經濟封鎖畀其他地方即係世界其他各國 長咗18個月咁搞到啲人呢 冇辦法做嘢冇錢洗 咁所以啲企業呢覺得啲人都冇錢洗啦 我發大嚟做擴張呢都唔會有更多生意 咁不如唔好借錢唔好搞咁多嘢啦 第四就係搞啲私人企業 咁呢佢要求嗰啲私人企業嘅擁有者同埋管理人員呢 放棄追求利潤喎要為國家犧牲 咁所以而家呢嗰啲生意人呢就躺平啦 原來呢咁辛苦賺埋啲錢 係會咁樣嘅 咁所以而家呢就唔會再招聘或者擴張投資喎 咁所以呢Milton Ezrati就預測中國經濟呢有可能會進入大蕭條 咁但係大家千祈唔好覺得嘩中國大蕭條正呀好開心呀 睇住中國死啦yes咁樣 我都唔係咁諗呀千祈唔好覺得我係咁 因為呢呢個Paul Krugman都有講到 係2008年諾貝爾經濟學獎嘅得主 佢話呢中國呢有可能通過呢個軍事冒險主義 轉移大家嘅注意力嘅 所以大家千祈唔好對呢個中國經濟下滑呢 有幸災樂禍嘅諗法 因為好有可能影響曬全世界所有人嘅 呢幾個禮拜呀炒美股贏得好開心嗰啲呀 我哋喺Patreon都贏得好開心啦 咁呀絕對要留意2024年呢可能好快呢就 完全一個180度轉向呢就唔係咁順風順水一路炒上去㗎啦 因為可能呢中國嗰度爆出嚟呢就爆到全世界 都係呀呢個係最大嘅灰犀牛擺你面前呢 佢已經係喺你面前爆緊㗎啦 不過未爆到過去你嗰邊呢你就唔好當冇事發生 佢一爆起上嚟呢可能全部 全個世界經濟都一齊冧㗎 咁呢個就係而家有一日就炒住炒得好開心 就都要小心 咁最尾呢要講下啦我哋喺Patreon嗰度呢 今個月2024年1月呢我哋又炒得好開心啦 喺呢個1月嘅第二個禮拜我就喺度研究緊 跌咗幾日點算好呢好多網友喺度 不如買ARM啦買AMD啦咁 跟住我諗咗一輪呢都係唔好 都係買NVIDIA好啲

啱啱NVIDIA就527蚊28蚊左右 啱啱我話佢橫行咗400至500蚊橫行咗半年喎 咁呀終於突破到500蚊所以呢 我決定係買NVIDIA係冇人提過話要買NVIDIA嘅 咁呀一買完呢就即時日日繼續升上去 另外每個月有兩次直播呢就講下我對所有時事經濟嘅睇法 咁大家有興趣呢可以參與我哋Patreon Patreon.com/cocogor 咁就完啦喎 記得畀個like我哋 下面留言 分享畀朋友睇 同埋訂閱我哋頻道啦係咁多

Surfshark VPN ：https://surfshark.deals/COCOGOR

福布斯 預告 香港大蕭條 ？人踩人雪崩式大跌 萬億救市最後防線

▶ 加入我們的patreon｜https://www.patreon.com/cocogor
▶ 加入我們的youtube會員｜https://xwww.youtube.com/@cocogor/join

如果喜歡這條影片，記得給我Like & 訂閲我的頻道 】
https://www.youtube.com/@cocogor?sub_confirmation=1
https://www.youtube.com/@cocogorfunlife?sub_confirmation=1
📷Instagram｜https://www.instagram.com/officialcocogor/
📱Facebook｜https://www.facebook.com/officialcocogor/
👔商務合作｜officialcocogor@gmail.com
▄▄▄▄▄▄▄⭐️ 精選影片⭐️ ▄▄▄▄▄▄▄▄
🔥走資尾班車！香港股市絕望崩跌至萬五點

🔥新居開箱 room tour🇬🇧移民英國 擴建裝修要幾錢？

🔥摩納哥🇲🇨 錢從何來？💰貴過香港2倍！2300萬 450呎！

🔥港樓末日！開徵資產增值稅 股樓閃跌在即！

44 Comments

  1. @user-mx5ej1ou6q

    09:16 職場生態操 – 正！
    下: 都係照最高層意思去做
    上: 呢單嘢唔係我跟開
    上: 今次真係愛莫能助
    最後絶招
    上/下: 你諗吓你適唔適合呢份工？
    註: 吳廣德 及 吳好緹 啲朋友特別注意！

  6. @louhui5023

    Coco 哥，跳舞跳得真好！不過吾跳重好🥰🥰🥰 講笑咋! 🤣🤣🤣 I enjoy watching your videos . Many thanks

  7. @KinYung65

    反正我哋笑唔笑，佢都可能用軍事去轉移大家注意。不如先樂咗呢個禍先，有無下一個禍 再算啦🤣

  9. @cotswold2009

    我琴晚真係走寶，dry聽無睇，今日重温，睇到瀉膞操同其他操，笑死我😂一陣一於跟住做

  16. @homanyim1145

    英國大蕭條都未輪到中國、香港啦, 英國啲城市逐個破產, 外媒有邊日唔抹黑中國, 黃人睇到信哂自high高潮！

  20. @user-hr4se5qf5k

    清醒下啦. 其實大陸不嬲都係咁, 只不過你地用你嘅想法去投資去諗. 新加坡基金用西洋拳對中國武術, 中國武術可以偷桃又可以放毒鏢. 中毒重傷之後又話練左幾十年西洋拳係白練. 大佬! 問題係你無知己知彼. 重未有覺悟!

  21. @Ben-tu1um

    Is Surfshark vpn a good one, how long have you been using it? Appreciate your advice.

  38. @user-xw1xp2nl7m

    借錢太多。大白象工程太多。公共行政費開支太高。唔洗計都知。錢從何以來？

  41. @helen65439005

    您好開心呀，香港衰了，您覺得您離開香港真慶幸，祝賀您在英國發達看着我們香港每一個人都倒下，您就開心！小心好心沒有好報呀！

Write A Comment